कीपू ।
बालंया ध्यबां छंगु, छेँ छेँ जुया च्वन
चुलिजागु ल्हाः तुति, मेपिंसं न्ह्यवः खन
पिनेवपिंसं बालं च्वंच्वं, बुं न्यानां छेँ दन
छं जुलं छेँ बुं म्यूम्यूं, न्हुगु हानं छेँ हे दन
छेँ स्वसां पिनेयापिं, पिने वंसां पिनेयापिं हे
नुगः म्हुयां छुं ज्वी मखु,
पुर्खां लःल्हागु ज्या छुं यायेम्वाः
मेपिन्सं छंगु भाय् थूसां मल्हाः,
छंजुलं उमिंगु भाय् मसःमसः ल्हायेमाः
पिनेयापिंत द्योथें हना, थःगु छेँ थः च्यःथें जुल हाः
थःगु भाय् थःम्हःं मल्हाः नखःचखः हनेमाः
देगः फल्चा, सतः क्यना पुलां बाखं कनेमाः
म्हः नवला, न्हाय् नवला अत्तर छ्वाका जुईमाः
पुजा सामाः, नखः ज्वलं पिने न्याना हयेमाः
संस्कृतिया धुगः त्वल्हु पिनेया जात्रा भ्वय् हनेमाः
भूमीपुत्र खः हालां छुयाय् धुकु ल्वाभः लःल्हानाः ।
६ गुंलागाः ११३७
No comments:
Post a Comment