सुनां स्यू

यचू पीचू व

हाकु नुगः सुनां स्यू

हनां च्वंम्हंः स्यू

थःत ज्यूसा भ्वःभ्वः ल्यू

मेपिं ज्यूसा खेँ खेँ लू ।१।

९ कछलाथ्व ११४०

स्वांया नस्वाः

तिं निभाःलय् स्वां
गुलिं मुखु ब्यना ह्वः
गुलि ला झ्वाः जुया  वं
गुलि नस्वाः  वः
ह्वया च्वंसां हिसी दु
छ्योनय् छुसां मनय् थ्यू ।१।
 ९ कछलाथ्व ११४०

मन मनूया

बाः वं स्वांया नं
स्वन्तिया म्हः धुछिं
स्वांमाःया मू ततं ।१।

छाःकीं छाय् यो स्व
खंसां छाः सुयातं स्यू
उसाय् छिगु खः ।२।

त्वते मपूm ला
मूहाः मनूया हिं ला
मन मनूया ।३।

ज्याः खँय् लभः माः
सुम्क च्वंसां लभः माः
नी मनी स्यूला ?।४।
९ कछलाथ्व ११४०

छं ला जि ल्वमं

मिखा गँ ख्वःख्वं

मनया ताप मलं

त्वपुल न्हिंलां 

कनां मब्याःगु बाखं 

न्यन्यं हे थः तनेवं ।

लं ला व हे खः 

लुमन्तीं थुलि प्याःगु 

छं ला जि ल्वमं

लंच्वना सवाः नस्वाः

पागु ला झी लं धका !

मखं मनं हे 

न्हिथं खनां छु याये ?

याकः सां सुख

अंगलिसे खं ल्हाये

छन्त जिं छु धाये ?

कालं नं मखं

मन तयेनं मफु

दशां ल्यूगु हँ

गनं वल थ्व दशा

वसय् मरु मनूया !

2076.2.31

छंगु कीचः

वलगसिमा

सिचू, छंगु कीचलं

जिगु जीवन ।१। 

घाःया सवाः

घाः जुइ ब्यू थुलि थ्व नुगलय्

स्याकं ख्वय् ला न्हिलेला जुइ ब्यू ।

घाःया सवाः काय् ब्यू थुलि

थः कतःया चेसनां हे तंके ब्यू ।

घाः खूः नं मछिंके ब्यू थुलि

खनेवं हिसि छु खः ल्वमंके ब्यू ।

घाःलं पुइ ब्यू थुलि नुगलय्

म्हगसय् नं न्ह्यावलें लिइ ब्यू ।

घाःलं तिइ ब्यू थुलि नुगलय्

चाःन्हि हे छन्हु थें जुइ ब्यू ।

घाः तच्वये ब्यू स्यने ब्यू थुलि

स्वस्वं थःम्हं थः ल्वमंके ब्यू ।

घाः खः इने गथे ल्वमंके मफू

स्वापू झीगु लुमन्तिया सवाः जुइ ब्यू ।

घ्यःचाकु संल्हु, ११३९

बा

सासलं सासलय् न्ह्याःगु खुसि बा

खँग्वलय् चिनां चिई मपूmगु नुगः बा । 

पलाःपतिं मिखा ब्वयाच्वनी, मखंछु याना बा

सुवाM बियाच्वनी नुगलं थः तुति दंगु स्वया बा । 

दुखं पूगु लकसय् तिबः ज्वीगु न्ह्याबलें बा

जीवनया सुख मेगु मदु, दुसा थः न्ह्यवने बा ।@)&%.#.!$