घाःया सवाः

घाः जुइ ब्यू थुलि थ्व नुगलय्

स्याकं ख्वय् ला न्हिलेला जुइ ब्यू ।

घाःया सवाः काय् ब्यू थुलि

थः कतःया चेसनां हे तंके ब्यू ।

घाः खूः नं मछिंके ब्यू थुलि

खनेवं हिसि छु खः ल्वमंके ब्यू ।

घाःलं पुइ ब्यू थुलि नुगलय्

म्हगसय् नं न्ह्यावलें लिइ ब्यू ।

घाःलं तिइ ब्यू थुलि नुगलय्

चाःन्हि हे छन्हु थें जुइ ब्यू ।

घाः तच्वये ब्यू स्यने ब्यू थुलि

स्वस्वं थःम्हं थः ल्वमंके ब्यू ।

घाः खः इने गथे ल्वमंके मफू

स्वापू झीगु लुमन्तिया सवाः जुइ ब्यू ।

घ्यःचाकु संल्हु, ११३९

बा

सासलं सासलय् न्ह्याःगु खुसि बा

खँग्वलय् चिनां चिई मपूmगु नुगः बा । 

पलाःपतिं मिखा ब्वयाच्वनी, मखंछु याना बा

सुवाM बियाच्वनी नुगलं थः तुति दंगु स्वया बा । 

दुखं पूगु लकसय् तिबः ज्वीगु न्ह्याबलें बा

जीवनया सुख मेगु मदु, दुसा थः न्ह्यवने बा ।@)&%.#.!$

बुदिँ हनाः छगू भ्रम

बुदिँ हनाः छगू भ्रम

मनू छकः हे बुई

दँ पतिकं ह्याउँमचा गथे ज्वी ?

ईलिसें मनू तधिक ज्वी

पलाःलिसें मनू तधं चिधं ज्वी

नसें मनसें मनू म्वानाः च्वनी

दँपतिकं थः बुगू न्हि लुमंका बुदिँ हनी

छगू विश्वास– हूई मफुगु थ्व अन्धविश्वास

छगू आदत– संमोहनया छगू ख्वातुगु रंग

आशाकुति मनू– थः म्वानाःया छगू दसू

छगू संस्कृति– समाजय् अस्तित्वया नामय्

पलाः पतिकं म्वानाः

सासःपतिकं फुना वने माःसां

बुदिँया राग बसन्तथें  ।

८ शिल्लाथ्व ११३८

वासः मदु

सराः बिया उसाय् स्यँ

थुकलं बिया कथु गँ

थःगु तमं थः हे तँ

जातः क्यनं दशा दु हँ

पलाः तथाय् चलः वँ

नुगः म्हुया सुद्धी हे स्यँ

वासः न्यनां मदु हँ

नुगः बलायेवं गाः हँ

म्हंपूजा याना यांमिखा कँ हँ

पलाः च्वयेकेमाः आज्जु थ्यनि हँ ।

६ शिलाथ्व ११३८

न्ह्यावने त्वतुपिं

                                                                    राम शरण महर्जन

भौचां लँ त्वाःथले वं

न्ह्यावने वने त्वतिपिं

वनागु लँय् लुफीं हायेवं

लिफःतिनातुं लिहां वनीपिं

दुगु गुथी हे त्वाःत्वा थलानं

छप्पं छधीया म्यें हाले मगापिं

च्वनागु छेँ त्वता डेराय् च्वनानं

राज्यया म्हगस म्हंका च्वंपिं

नेपाल संबतया जात्रा न्यायेकानं

लिपी व भाषा न्हिज्याय् छ्यले म्वाःपिं

लाज्याः व नखःति धेधेचुलानं

संस्कृति व जातिया न्हाय् च्वछाये योपिं

पिनेयापिन्त छेँ बुँ मीःयानं

भुमीपुत्रया घुर्की क्यने मगापिं

म्हुतुजक न्यायेका नेवा दर्शनया

मेपिगु भिं स्वया ईखयायां चितासू मदुपि+

९ पोहेलाथ्व ११३८

सुया भरय् सु

 

राम शरण महर्जन

सुया खं ल्हाये उपिं लः मीथें

छन्हुला झीनं ज्वी ला लुसिथें

सुया खं न्यने थः ज्यूसा गाःहँ

मुलय् हे गःकी सुं मदु थः हँ ।

धर्म कर्मया खं छित जित

मनय् लुगु याई उमि धर्मं

छि जि सीःसां नं ज्यू हँ उमित

आया अलय् मजू खं ल्हाय् थाकू ।

पेपुनि थुलि सासः हे नवः

छकःयां निकः हे म्वाःगु जुल

धाइपिन्त पनीः सुनां मफु

हनिमाःपिसं स्यू घाःलं त्यूगु ।

२०७४।७।७