सीना म्वाय् गुलि थाकु मिखां कुतुं वनेवं सिल
मगामचा धैगु छु खः जित थौं गनेवं सिल ।
ख्वबिया मू गुलि ग्यं धैगु छंगु न्हिलाःसूं थुल
मिखा तिसिना थः नालागु लुफिं हाय्वं चाल ।
धाय् मफुगु नुगः खं गुुलि तिगू जि हे जक स्यू
स्याचाया माकु सवाः ज्यायाना ल्हाः प्वंम्हं जक स्यू ।
थः धैपिं सु खः धैगु ख्वबि हुया बिइवं सिल
कतः धैपिं नं सु खः धैगु पलाः द्वनेवं सिल ।
ज्यंकु लिसें स्वगु स्वापूतिं कसाः धैगु छु खः सिल
त्यपूया ख्वाउँगु लासां ला लुसिया स्वापू सिल ।
१२ कछलाथ्व ११३८
No comments:
Post a Comment