हाइवन

 बर्खाया पीच लं

छेँ थ्यंक पीच लं थ्यन । माेटर ज्वीगु लं दत, मनू ज्वीगु लं मन्त । बर्खाया पीच लं , लं धैगु हे मखंपिन्त ख्वालय् तिकेथें । पला छि मलावं लं स्यं । 

थेकदारं भ्वं दयेकुथें स्यंगु लंया भ्वंतय् हाकिमं मिखा तिसिना बिइ । स्यंगु लंय् पलाः ल्याः खाना तिंतिं न्हुया द्वहांपिहां ज्वी मनूत । सकसिनं खं, नुगः मिखांजक सुनांनं मकं । छाय् धासां दुगु लं स्यंकि अपु , स्यंगु लं दयेकि गुलि थाकु सुना मस्यू । उकि सुनं न्ह्यने व मदु । 

मनूया हाकु ज्या प्रकृतिया ब्वहलय्, थुलि स्यंगु  समाज । निभाया जः मखु, बाः वैगु लखय् चुइक छ्वय् मागु थनया संस्कार । 

बर्खां वा पि माः 
सामां वा दुकाये माः
म्हसिकाः कर्म ।
३ दिल्लागा ११३७